တမ့ၢ်တၢ်ပျံၤဘၣ်‚ မ့ၢ်၀ဲတၢ်နာ်ယွၤ
‘‘ယ၀ၤ ဘၣ်တၢ်ဒုးထီထီၣ်အလီၢ်ဒီး မၢအီၤလၢ ကလဲၤမၤတၢ် လၢထံဂၤကီၢ်ဂၤန့ၣ်လီၤႉ ဘၣ်ဆၣ် မ့ၢ်လၢယအိၣ်ဒီး တၢ်ဘၣ်ယိၣ်လၢ ယကပာ်လီၤတဲာ် ယဟံၣ်အဃိ‚ လၢတၢ်သးတဆူၣ်အပူၤန့ၣ်‚ ယ၀ၤဂ့ၢ်လိာ်၀ဲလၢ ကလဲၤမၤတၢ်လၢ ထံဂၤကီၢ်ဂၤန့ၣ်လီၤႉ’’ မ့ၢ်ဒၣ် ယတံၤသကိးတဂၤ အတၢ်ထံၣ်လီၤပလိာ်ဒီးယၤ ဒီးစံး၀ဲ ‘‘တၢ်ဘၣ်ယိၣ်ဘၣ်ဘီှလၢ တၢ်လဲလိာ်ဖးဒိၣ်အံၤ‚ ဒုးယံၤထီၣ်ယၤလၢ ပကဖိးဃာ် တူၢ်လိာ် တၢ်ကွၢ်ဆၢၣ်မဲာ်အသီအံၤလီၤႉ အဃိ တဘျီဘျီန့ၣ် န့ကၢးဆိကမိၣ် စံၣ်ညီၣ်တဲာ်လၢ နသုတတူၢ်လိာ်ဘၣ် တၢ်လဲလိာ်အသီ ဒ်သိးအံၤတဖၣ်န့ၣ်လီၤႉ
ပှၤအံၣ်စရၠာစး့လးဖိတဖၣ်‚ ဒုးဆိကတီၢ်ကွံာ် အတၢ်သူၣ်ကိၢ်သးဂီၤ‚ ဖဲတၢ်ကိးထီၣ်အ၀ဲသ့ၣ် လၢ ကအိၣ်ဆိးလၢ တၢ်လီၢ်လီၤလီၤဆီဆီ‚ လၢအယွၤလီၤ၀ဲဒီး တၢ်နုၢ်ထံ‚ ဒီးကနဲစီန့ၣ်လီၤ (၂ မိၤ ၃၃း၃) ႉ ဖဲအ၀ဲဒၣ်သ့ၣ်တဖၣ် နၢ်ဟူ၀ဲလၢ ၀့ၢ်သ့ၣ်တဖၣ်န့ၣ် ဒိၣ်၀ဲယိာ်၀ဲ‚ ဒီးပှၤ၀့ၢ်ဖိသ့ၣ်တဖၣ် အဂံၢ်ဆူၣ်ဘါဆူၣ် အကတီၢ်နှၣ်ပျံၤတၢ်‚ ဒီးပှၤအါဂၤဂ့ၢ်လိာ်၀ဲလၢကလဲၤနုာ်၀ဲဆူ ကီၢ်တၢ်စံးပာ်အံၤ အပူၤန့ၣ်လီၤ (၄ မိၤ ၁၃း၂၇-၂၈) ႉ
ဘၣ်ဆၣ်…
လၢအဒံးဆ့အဖီလာ်
ဖဲယဆိကမိၣ်တၢ်ဘၣ်ဃးဒီး တၢ်ကဟုဘံၣ်ကယာ်ဘၢန့ၣ် ယတဆိကမိၣ်ထီၣ် ထိၣ်အဆူၣ်အဒံးတဖၣ် တဘျီဃီဘၣ်ႉ သနာ်က့ ထိၣ်အဆူၣ်အဒံးန့ၣ် ပထံၣ်ဒီးသ့ၣ်ညါ ဒ်အမ့ၢ် တၢ်ကဟုဘံၣ်ကယာ်ဘၢအက့ၢ်အဂီၤတမံၤလၢ အဟးဂီၤညီဒီး‚ ဃံလၤ၀ဲလီၤႉ ထိၣ်အဆူၣ်အဒံးတဖၣ်န့ၣ် ကဲဘျုးအါန့ၢ်ဒံး ပမဲာ်အတၢ်ထံၣ် လၢအဃံလၤ၀ဲန့ၣ်လီၤႉ
ထိၣ်အဆူၣ်အဒံးန့ၣ် မ့ၢ်ကစၢ်ယွၤ အတၢ်တ့လီၤလၢ အလီၤလိၣ်လီၤလး၀ဲ နးမးန့ၣ်လီၤႉ ထိၣ်အဆူၣ်အဒံးအိၣ်၀ဲအဘ@တတီၤဒီး ကပုာ်လုာ်တတီၤလီၤႉ ထိၣ်ဆူၣ်အဘ@တတီၤန့ၣ် အိၣ်ဒီးအဆူၣ်ကိၤ စံးဆံးဆံးဖိတဖၣ်ဒီး‚ စံးတဖၣ်န့ၣ် ဘျးလီၤစဲၤအသး တခါဒီးတခါန့ၣ်လီၤႉ ထိၣ်ဆူၣ်၀ဲအံၤနှၣ်‚ တၢ်ဘၣ်သူအီၤ လၢထိၣ်သ့ၣ်တဖၣ် အနီၢ်ကစၢ် ကဒိးန့ၣ်ဘၣ် တၢ်လၢၤန့ၣ်လီၤႉ ထိၣ်ဆူၣ်လၢ အကပုာ်လုာ်တတီၤန့ၣ် ဒုးန့ၣ်တၢ်လၢၤ လၢထိၣ်သ့ၣ်တဖၣ် အဂီၢ်စ့ၢ်ကီးန့ၣ်လီၤႉ ထိၣ်ဆူၣ်ခံတီၤလိာ်န့ၣ် မ့ၢ်ဒ်သိး ကဒိးန့ၢ်ဘၣ် တၢ်ဒီသဒၢလီၤဘၣ်ဆၣ်‚ ထိၣ်ဖိဆံးတခီ အိၣ်ဒၣ်ထဲ ထိၣ်ဆူၣ်အကပုာ်လုာ်တမံၤ ဖဲအ၀ဲသ့ၣ် တချုးအဒိၣ်တုာ်ခိၣ်ပှဲၤဘၣ် အဆၢကတီၢ်ဒံးန့ၣ်လီၤႉ အဃိလၢ တၢ်ဒီသဒၢ အဂီၢ် အမိၢ်ကးဘၢအီၤ လၢအဆူၣ်အဒံး‚ လၢအသွံအပူၤန့ၣ်လီၤႉ
ကစၢ်ယွၤ အက့ၢ်အဂီၤလၢ အကျၢၢ်ဘၢပှၤလၢ အဒံးဆ့လာ်ဘၣ်…
တၢ်အဲၣ်ဖိသၣ်သ့ၣ်တဖၣ်
သိၤမါဘနါဒိၢ် နုာ်လီၤမၤလိတၢ်လၢ လိဒိၣ်တၢ်ဆါဟံၣ် ဘၣ်ဃးဒီး ကသံၣ်ကသီ အကၠိလီၤႉ အတၢ်မံမီၢ်မ့ၢ်၀ဲ ဒ်သိးကလဲၤမၤတၢ်သးခုကစီၣ်ဘၣ်ဃးဒီ ကသံၣ်ကသီလၢတ့ှူးကီၢ်န့ၣ်လီၤႉ တယံာ်ဘၣ်ဒီး ဘနါဒိၢ်ထံၣ်ဒီး သ့ၣ်ညါ၀ဲလၢ တၢ်လိၣ်ဘၣ် အိၣ်၀ဲလၢအဟံၣ်မဲာ်ညါန့ၣ်လီၤႉ ဖိသၣ်လၢ အဟံၣ်အဃီတအိၣ်သ့ၣ်တဖၣ် အိၣ်၀ဲအါမးလၢ အဟံၣ်မဲာ်ညါ ကျဲကပၤလီၤႉ အဃိ အ၀ဲစံၣ်ညီၣ်တဲာ်၀ဲ လၢကမၤတၢ်တမံၤမံၤလၢ ဖိသၣ်သ့ၣ်တဖၣ်အဂီၢ်‚ ဒီး သူၣ်ထီၣ်၀ဲ ဟံၣ်သ့ၣ်တဖၣ် ဖဲ၀့ၢ်လိဒိၣ်အမုၢ်ထီၣ် ဒ်သိးဖိသၣ်လၢ အဘၣ်ကီဘၣ်ခဲ သ့ၣ်တဖၣ် ကအိၣ်၀ဲဆိး၀ဲအဂီၢ်လီၤႉ
ဘနါဒိၢ်မၤစၢၤ ဖိသၣ်လၢအဘၣ်ကီဘၣ်ခဲ သ့ၣ် တဖၣ် အိၣ်၀ဲဒၣ် အဂၤ ၆၀ယ၀၀၀ ညါလီၤႉ ဘနါဒိၢ်လၢအမ့ၢ် ပှၤသ့ယွၤဂ့ၢ်ပီညါဒီး တၢ်အိၣ်ဖှိၣ်သရၠာစးၣ်တဂၤ‚ စံး၀ဲ ‘‘မုၢ်တနံၤအံၤ ပ့ကၢးကိးလၢ ပှၤစီဆှံလၢအဆီၣ်ထွဲမၤစၢၤ ပှၤဖိသၣ်လၢ ကျဲဖီခိၣ်’’ လီၤႉ
ကစၢ်ခရၠာစးံာ် စံး၀ဲ ‘‘ပျဲဖိသၣ်န့ၣ်တက့ၢ်ႉ ဒီးသုတBတီ အဟဲဆူ ယအိၣ်တဂ့ၤ‚ အဂ့ၢ်ဒ်အံၤ မူခိၣ်အဘီဖိမုၢ်ဖိ မ့ၢ်ပှၤဒ်န့ၣ်အသိးလီၤ’’ (မး ၁၉း၁၄)…
လၢတၢ်ပျံၤ‚ ဆူတၢ်စူၢ်တၢ်နာ်
ကသံၣ်သရၠာစးၣ်အတၢ်ကတိၤ လၢအမ့ၢ်၀ဲ ‘‘တၢ်အံၤမ့ၢ်၀ဲဒၣ် တၢ်ဆါအုၣ်လီၤသလဲးအသး (ခဲစၢၣ်) တကလုာ်’’ အံၤ ဟဲလီၤဆဲးတူၢ်လီၤအသးလီၤႉ ဖဲအ၀ဲ ဆိကမိၣ်ထီၣ်အဖိဒီး အ၀ၤအကတီၢ်န့ၣ် လၢအ၀ဲဒၣ်အဂီၢ် ဟီၣ်ခိၣ်အံၤ အိၣ်ကတီၢ်န့ၢ်အီၤလီၤႉ အ၀ဲသ့ၣ် ထုကဖၣ် ကိးနံၤဒဲး လၢတၢ်မုၢ်လၢ်အပူၤ‚ ဒ်သိး တၢ်ဆါအံၤ ကဆီတလဲက့ၤ အသးဆူ တၢ်ဆါအဂုၤအဂၤန့ၣ်လီၤႉ ခါဆူညါန့ၣ် အ၀ဲသ့ၣ် ကဘၣ်မၤ၀ဲဒ်လဲၣ်ႉ လၢမဲာ်ထံမဲာ်နိတဖၣ် ဟဲယွၤလီၤ၀ဲ လၢအဘိးပၤအပူၤ ဒီးလၢကလုၢ်ကပုာ်လုာ်အပူၤ စံး၀ဲ‚ ‘‘တၢ်အံၤ ပျံထီၣ်ကွံာ် ဟီၣ်ခိၣ်အတၢ်ပၢၤဃာ်လံႉ ယွၤဧၢ‚ ဟ့ၣ်ယၤ တၢ်ဂံၢ်တၢ်ဘါတက့ၢ်’’
ဖဲတၢ်ဆူးတၢ်ဆါ အတၢ်နဲၣ်ဖျါ မ့ၢ်၀ဲ တၢ်ဟးဂီၤ လၢာ်လၢာ်ဆ့ဆ့ဒီး ပပၢၤဃာ်တန့ၢ်လၢၤဘၣ် အဆၢကတီၢ်န့ၣ်‚ ပကဃၣ်ကဒါက့ၤပသးဆူလဲၣ်ႉ ၀ံဃဘးကူာ် ပၢၤဃာ် က့ၤ‚ တၢ်လၢအမၤအသးလၢအီၤတန့ၢ်လၢၤဘၣ်ဒီး‚ အတၢ် ပျံၤတၢ်ဖုးသ့ၣ်တဖၣ် မၤလီၤပျံၤက့ၤအီၤလီၤႉ တၢ်စံၣ်ညီၣ်လၢ အကဟဲသ့ၣ်တဖၣ် မ့ၢ်၀ဲ တၢ်တတဲာ်တနါ လၢကတူၢ်ဘၣ်၀ဲလီၤ (ဃဘး ၃း၁၆-၁၇) ႉ…
စံးဘျုးတၢ်လၢ တၢ်ခဲလၢာ်အပူၤ
လၢကီၢ်အီးစ့တ့လယၤန့ၣ် တၢ်လီၢ်တပူၤဒီးတပူၤ‚ နလဲၤဘၣ်လၢ နၣ်ရၠာစးံၣ်တဖၣ် အနၣ်ရၠာစးံၣ် န့ၣ်လီၤႉ အဃိ‚ နလီၤဘှံးလီၤတီၤဒီး တၢ်ဘၣ်ဒိဘၣ်ထံး သတူၢ်ကလာ် ကဲထီၣ်၀ဲ သ့၀ဲဒၣ်လီၤႉ ဖဲနံၣ်သဘ@ တၢ်ဖံးတၢ်မၤအါအဆၢကတီၢ်‚ လၢကျဲမုၢ်ဒိၣ်အလိၤ တၢ်သူၣ်ထီၣ်‚ တၢ်အိၣ်ဘှံးအလီၢ်ဒီး ပှၤမၤတၢ်ပိာ်မုၣ်ဖိ မုာ်သးမၤကလီသ့ၣ်တဖၣ်‚ ဒုးအိ ခီဖံၣ် ဖဲတၢ်လီၢ်၀ဲန့ၣ်လီၤႉ
လၢယတၢ်လဲၤတကတီၢ်အပူၤ‚ ယလဲၤဃီၤဆူ တၢ်အိၣ်ဘှံးအလီၢ်ဒီး ယမၤလိာ် ခီဖံၣ်လီၤႉ ပှၤမၤတၢ်ဖိ တဂၤဟ့ၣ်လီၤယၤ ခီဖံၣ် ၂ ခွးဒီး ဃ့ယၤ ၂ ဒီလၣ်န့ၣ်လီၤႉ ဘၣ်မနုၤအဃိလဲၣ်‚ ယသံကွၢ်အီၤဒီး အ၀ဲဒၣ် ဒုးနဲၣ်ယၤ လံာ်ပာ်ဖျါအက့လၢ အစံး၀ဲ တၢ်ဟ့ၣ် ခီဖံၣ်န့ၣ် ထဲဒၣ်လၢ ပှၤနီၣ်သိလ့ၣ်အဂီၢ်လီၤႉ မ့မ့ၢ် ပှၤလဲၤတၢ်ဖိတခီ ဘၣ်ဟ့ၣ်၀ဲ အပရၤလီၤႉ ယသးဘၣ်တံာ်တာ်ဒီး စံးလာ်အံၤ ကမၣ်၀ဲလီၤႉ ဒီးဟ့ၣ်လီၤ ၂ ဒီလၣ်ဒီး ဟးထီၣ်၀ဲဖဲန့ၣ်လီၤႉ ယက့ၤတုၤလၢ သိလ့ၣ်အပူၤန့ၣ်‚ ယမါနဲၣ်ပၠးယၤ ယတၢ်ကမၣ်လၢ‚…